recent
أخبار ساخنة

الكشرى المصرى على اصوله ...... خليكى استاذه فى عمل الكشرى

الكشرى المصرى على اصوله ...... خليكى استاذه فى عمل الكشرى

الكشرى المصرى من الاكلات  الشعبية اللذيذة التى تحتوى على الكثير من العناصر الغذائية المفيدة وذلك لتعدد مكوناته  مثل المكرونة والارز والطماطم والبصل الى اخره 
وعشان وجبة الكشرى المصرى من الوجبات الاقتصادية الموفرة بنلاقية يتصدر الموائد المصرية وخاصة فى نهاية الشهر عشان يسد عجز الميزانية طبعا .
النهارده ان شاء الله فى وصفة شيف هقدم لكم اكثر من طريقة لعمل الكشرى 


طريقة عمل الكشرى المصري
طريقة عمل الكشرى المصري




الكشرى المصرى

مقادير الكشرى المصرى

  1. 1كوب ارز مغسول
  2. 1 كوب شعرية
  3. ربع كيلو مكرونة صغيرة
  4. ربع كيلو مكرونة اسباجيتى
  5. كوب عدس اسمر( بجبه)
  6. نصف كوب حمص
  7. كوب ونصف زيت
  8. نصف كيلو بصل مقشر ومقطع جوليان
  9. 1 كيلو طماطم مفرومة ناعم ومصفاة
  10. ملعقة كبيرة صلصة طماطم
  11. ملعقة كبيرة ملح
  12. ملعقة صغيرة سكر
  13. ملعقة صغيرة كمون ناعم
  14. ملعقة صغيرة كسبرة مطحونة
  15. ملعقة صفيرة شطة مطحونة
  16. نصف كوب خل ابيض
  17. 6 فصوص ثوم مفروم ناعم

طريقة عمل الكشرى المصرى

لعمل الكشرى المصرى اتبعى الخطوات التالية
  1. قومى بغسل العدس والحمص جيدا ونقع كل منهما فى بوله لوحده بالماء المغلى لمدة ربع ساعة
  2. قومى بسلق الحمص 
  3. فى طاسة على النار ضعى بها الزيت  اللى حمرتى بيها البصل وحمرى فيها كمية البصل بعد تعفيرها بملعقة دقيق الى ان تصبح مقرمشة 
  4. اخرجى البصل من الزيت على مناديل مطبخ عشان ميشربش زيت
  5. فى اناء اخر خذى جزء من الزيت اللى حمرتى بيه البصل وضعى نصف مقدار الشعرية الى تتحمر وصفى العدس وقلبيه لمدة دقيقتين بعد كدة انزلى بكوب من الماء المغلى وطبعا تبليه بالملح والكمون وهدى النار الى ان يتم النضج
  6. فى اناء مناسب ضعى جزء من الزيت اللى حمرتى بيه البصل على النار وحمرى بيه باقى الشعرية الى ان تاخذ اللون الذهبى بعد كدة انزلى بالارز بعد غسله جيدا وقلبى لمدة دقيقتين وانزلى عليه بكميه مناسبة من الماء المغلى تكفى لنضج الارز وطبعا تبليه بالملح و قليل من الكمون ، وهدى النار الى ان يتم النضج
  7. قومى بسلق المكرونة وضعى  قليل من الملح والكمون فى ماء السلق وبعد ان يتم النضج صفيها  وضعى ملعقتين من الزيت اللى حمرتى بيها البصل على المكرونة وقلبيها عشان متلسقش فى بعضها
  8. باقى الزيت اللى حمرتى فيه البصل حمرى فيه ملعقة كبيرة ثوم مفروم وانزلى عليهم بالطماطم المفرومة وملعقة الصلصة وطبعا هتتبليهم بالملح والكمون والكسبرة لحد متتسبك كويس ويكون قوامها ثقيل
دقة الكشرى

فى بولة ضعى نصف كوب خل ونصف كوب ماء وملعقة صغيرة ثوم مفروم وتبليهم بالملح والكمون وقليل من الشطة

شطة الكشرى

ضعى قليل من صلصة الكشرى مع ملعقة كبيرة شطة وملعقتين من الدقة وقلبيهم كويس 

تقديم الكشرى

فى سرفيس مناسب ضعى الارز ثم المكرونة وبعد كدة العدس ووزعى الصلصة على الوجه وجملى الطبق بالحمص والبصل 
       يقدم معه الدقة والشطة فى بولات مناسبة

الكشرى الاصفر( الاسكندرانى)

مقادير الكشرى الاصفر( الاسكندرانى)
  1. 2 كوب ارز ابيض مصرى
  2. 2 كوب عدس اصفر
  3. مكعب مرقة دجاج
  4. بصلة كبيرة مفرومة
  5. 3 كوب ماء مغلى
  6. 2 ملعقة كبيرة سمنة
  7. ملعقة كبيرة ملح
  8. 2 كوب عصير طماطم 
  9. ملعقة كبيرة معجون طماطم (صلصة)
  10. ربع كوب خل
  11. ملعقة كبيرة ثوم مفروم ناعم
  12. ملعقة صغيرة كمون
  13. ملعقة صغيرة سكر
للتزيين
بصلة مقطعة جوليان ومحمرة ( مقرمشة)
6 بيضات مسلوقة ومقشرة ومحمرة فى ملعقة زبدة الى ان تكتسب اللون الذهبى

طريقة عمل الكشرى الاصفر ( الاسكندرانى)

  1. فى وعاء على النار ضعى السمنة وقليل من الزيت حتى يسخن وبعد كدة حمرى فيها الارز والعدس كويس عشان ميعجنش بعد كده ضيفى البصل المفروم واستمرى فى التقليب
  2. ضعى مكعب المرق والماء المغلى والملح وقليل من الكمون بس متكتريش المية يعنى اقل من اللى هتحطيه للارز العادى عشان ميعجنش
  3. فى وعاء اخر على النار ضعى القليل من الزيت والثوم وقلبى الى ان يكتسب لون زهبى بعد كدة انزلى بالصلصة ثم الخل  وبعدين انزلى بعصير الطماطم وتبليهم بالملح والفلفل الاسود والكمون ومتنسيش رشة الملح واتركيها تتسبك ويثقل قوامها
تقديم الكشرى الاصفر

فى طبق مناسب اغرفى الارز ووزعى عليه الصلصة وجمليه بالبصل المحمر والبيض وبالهنا والشفا

كشرى الحلة الواحدة

مقادير كشرى الحلة الواحدة

  1. نصف كوب زيت
  2. 3 بصلة متوسطة مغسولة ومقطعة جوليان
  3. 1 بصلة مفرومة
  4. 6 فص ثوم مفروم ناعم
  5. 1 كوب شعرية
  6. 2 كوب ارز مغسول ومصفى جيدا
  7. 1 كوب مكرونة
  8. ربع كيلو مكرونة اسباجتى
  9. 1 كوب عدس اسمر مغسول ومنقوع لمدة 10 دقائق
  10. نصف كوب حمص مغسول ومنقوع لمدة نصف ساعة
  11. ملح -فلفل اسود -كمون - مكعب مرق- شطة
  12. نصف كيلو طماطم مفروم ناعم ومصفى
  13. ملعقة كبيرة صلصة

طريقة عمل كشرى الحلة الواحدة

  1. فى اناء على النار ضعى الزيت وحمرى البصل الى ان يصير مقرمشا
  2. اخرجى البصل على منديل ورقى ليمتص الزيت
  3. فى الزيت قومى بتحمير الارزوالعدس وقلبيه جيدا 
  4. بعد ذلك ضيفى المكرونة الصغيرة والمكرونة الاسباجيتى وقلبى ثم انزلى بالماء المغلى وتبليه بالملح والكمون وقليل من الفلفل الاسود ومكعب مرق
  5. هدى النار الى ان يتم النضج
  6. قومى بسلق الحمص واتركيه جانبا
  7. فى اناء اخر ضعى البصل المفروم والزيت وحمريهم الى ان يكتسب اللون الذهببى وانزلى بعصير الطماطم وملعقة الصلصة وتبليهم بالملح والكمون بكدة الصلصة تكون جاهزة
  8. فى بولة قومى بوضع نصف كوب من الماء ونصف كوب من الخل وملعقة كبيرة ثوم مفروموقليل من الشطة والملح والكمون وعصرة ليمونة واخلطيهم جيدا بكدة تكون الدقة جاهزة
  9. ضعى مغرفة من الصلصة وضعى عليها ملعقة شطة وقليل من الدقة
تقديم كشرى الحلة الواحدة

فى طبق مناسب اغرفى الكشرى ورشى فوقه الصلصة وجمليه بالبصل والحمص
يقدم مع الدقة والشطة

معلومات التواصل

يرجي إضافة معلومات التواصل الخاصة بالمتجر هنا.

CONTACT FORM

google-playkhamsatmostaqltradent