recent
أخبار ساخنة

اجمل تورتة عيد ميلاد ل هبة ابو الخير/ حلويات

اجمل تورتة عيد ميلاد ل هبة ابو الخير:اعزائى متابعى مدونة وصفة شيف النهاردة هقدملكم تورتة عيد ميلاد بطريقة الشيف هبة ابو الخير الطريقة دى سهلة وبسيطة من غير اى تعقيد.
لو عيد ميلاد ابنك او بنتك قرب ومش عارفة تعملى ايه. الميزانيه مش متظبطة معاكى نفسك تفرحى اولادك بحاجة جميلة وتشرفك قدام ضيوفك.يبقى انتى فى المكان الصحيح.

كلنا بنضطر نشترى تورتة عيد ميلاد من محلات الحلويات بمبلغ وقدره ، طب ليه تشتريها مع انك تقدرى تعملى احلى تورتة عيد ميلاد فى البيت بمكونات بسيطة والطريقة سهلة جدا يعنى مش لازم تكونى محترفة فى عمل الكيك عشان تاخدى نتيجة جيدة .

فى وصفة شيف هقدملك طريقة عمل تورتة عيد ميلاد بطريقة الشيف هبة ابو الخير واهم مميزات الطريقة دى انها بتعتمد على وصفة كيك
سهلة بدقيق الاسبونش اللى بيعطى نتيجة ممتازة فى الكيك ، وكمان طريقة التزيين بسيطة اى حد ممكن يعملها بسهولة بس النتيجة ممتازة


اجمل تورتة عيد ميلاد  ل هبة ابو الخير/ حلويات

طريقة عمل تورتة عيد ميلاد هبة ابو الخير

مقاديرالكيك

  • نصف كيلو دقيق اسبونش فانيليا
  • 6 حبات بيض بدرجة حرارة الغرفة
  • ربع كوب ماء فاتر
  • ملعقة صغيرة فانيليا

طريقة تحضير الكيك

  1. ضعى جميع المكونات الدقيق والبيض والماء والفانيليا فى العجان
  2. اضربيهم على سرعة عالية لمدة 10 دقائق الى ان يصبح لونهم ابيض وثقيل
  3. بطنى صينية مقاس 20 بورق الزبدة بس تكون مرتفعة الحواف لو مش متوفرة ممكن تستخدمى مقاس 24 او 26عادى
  4. ضعيها فى فرن مسبق التسخين على درجة حرارة 200 درجة لمدة 10 دقائق وبعد كدة على درجة حرارة 180 لمدة 40 دقيقة بس اوعى تفتحى الفرن
  5. اختبرى النضج بخلة خشبية
  6. اتركى الكيك يبرد فى درجة حرارة الفرن لمدة نصف ساعة بعد كدة اخرجيه يبرد فى درجة حرارة الغرفة
  7. لفى الكيك بورق استرتش لمدة 4 ساعات فى الثلاجة

مقادير كريمة التغليف والحشو

  • 400 جرام شيكولاتة خام مبشورة
  • 350 م كريمة خفق سائلة ساخنة
  • 300 جرام جبنة كريمى
  • 3 باكت كريم شانتية

طريقة تحضير كريمة التغليف والحشو

  1. فى بولة مناسبة ضعى الشيكولاتة والكريمة الساخنة وامزجيهم جيدا
  2. اتركية فى درجة حرارة الغرفة او فى الثلاجة حتى يتماسك
  3. ضيفى الجبنة الكريمى والكريم شانتية واخفقيهم جيدا الى ان تحصلى على قوام متماسك مقادير الشوكليت دربس
  4. ثلث كوب كريمة خفق سائلة ساخنة
  5. 175 جرام شيكولاتة بيضاء مبشورة
  6. نقطتين من اللون الذى تفضليه حسب الرغبة

طريقة تحضير الشوكليت دربس

  1. فى وعاء مناسب ضيفى الشيكولاتة على الكريمة الساخنة.
  2. ضيفى نقطة من اللون الى ان تحصلى على اللون المناسب.
  3. اتركيه ليبرد.
  4. للحشو استخدمى الكريمة وشرائح الموز( يمكن استخدام الفراولة او اى نوع تفضليه).
  5. استخدمى اللبن( الحليب ) لسقى الكيك.

الادوات المستخدمة فى الوصفة

  • طبق دوار لتسهيل تزيين الكيك
  • سكين منشار لتسهيل تقسيم الكيك
  • سباتيولا لوضع الكريمة وتوزيعها
  • بورد كرتون
  • بانش سكريبر لتغليف الكيك
ملحوظة
  • هذه الادوات متوفرة فى محلات مستلزمات الحلويات

لتزيين تورتة عيد الميلاد هبة ابوالخير

  • مارشيميلو
  • لولى بوب
  • 2 اصبع شيكولاته كندر
  • 2 بيض كندر
  • جيللو
  • فارماسيل ملون
  • بينت بتر شوكليت
  • ام اند امز

خطوات تزيين تورتة عيد الميلاد

  1. قومى بتثبيت البورد فى الطبق الدوار عن طريق وضع ملعقة من الكريمة تحته
  2. بتقسيم الكيك عرضيا الى 5 قطع او 3 قطع بمنشار التقطيع
  3. قومى بتثبيت اول قطعة فى البورد عن طريق وضع من الكريمة تحتها
  4. اسقى اول قطعة باللبن البارد ووزعى عليها الكريمة وشرائح الموز
  5. ضعى القطعة الثانية وكررى نفس الخطوات الى ان تنتهى كل القطع
  6. غلفى الكيك من الخارج بالكريمه وضعى تحت الكيك ورق الزبدة لضمان نظافة الطبق الدوار
  7. نعمى الكيك بالبانش سكريبر وسدى كل الفراغات جيدا
  8. ضعى الكيك فى الثلاجة لمدة ربع ساعة واخرجيها وكررى نفس الخطوات مع التنعيم كل مرة
  9. ضعى الشوكليت دربس على الكيك من اعلى مع نزول القليل منها على الجوانب
  10. زينى الكيك بالفارماسيل واللولى بوب والشيكولاتة والمارشيمللو كما هو موضح بالفيديو
لتنفيذ الخطوات بدقة شاهدى الفيديو

طريقة عمل تورتة عيد ميلاد هبة ابوالخير

author-img
فريدة يحيي

تعليقات

ليست هناك تعليقات
إرسال تعليق

    CONTACT FORM

    اضغط لايك لصفحتنا علي الفيسبوك

    google-playkhamsatmostaqltradent www.google-analytics.com google-analytics.com google-site-verification: google8a50f4bdad1c3a7d.html