recent
أخبار ساخنة

عمل شيش طاووق زى المطاعم تعرفى على اسهل طريقة لعمل الشيش طاووق

عمل شيش طاووق زى المطاعم   تعرفى على اسهل طريقة لعمل الشيش طاووق


الشيش طاووق من الاكلات المحببة لجميع افراد الاسرة ، نظرا لطعمة المميز والوانه المبهجة ، لذلك نجده متواجد فى جميع المناسبات  فى العزومات والرحلات وحتى ممكن تعمليه سندوتشات لاطفلك بالاضافة الى انه سهل التحضير .
تختلف تتبيلة الشيش طاووق من طريقة لاخرى وكذلك طريقة عمل الشيش طاووق البعض يفضله مشوى بينما البعض الاخر يفضله مقلى ، النهاردة فى وصفة شيف هقدملك طريقة تحفة لعمل الشيش طاووق زى المطاعم وتتبيلة جنان ، يعنى هتاكلى احلى شيش طاووق ممكن تاكليه فى حياتك ومن غير فرن ولا حاجة


عمل شيش طاووق
عمل شيش طاووق

اولا تتبيلة الشيش طاووق 


اختلف البعض فى طريقة تتبيل الشيش طاووق ولكن  انا جربت اكثر من تتبيلة للشيش طاووق هقدملك اكثر تتبيلة نجحت معايا وكان طعم الشيش طاووق بها مميز جدا
  • 1 كوب زبادى
  • نصف ملعقة صغيرة فلفل اسود
  • نصف ملعقة صغيرة بابريكا 
  • نصف ملعقة صغيرة بهارات فراخ
  • ربع ملعقة صغيرة زنجبيل مطحون
  • نصف ملعقة صغيرة ملح
  • ملعقة كبيرة خل
  • ملعقة كبيرة معجون طماطم( صلصة)
  • ملعقة كبيرة زيت
  • عصرة ليمونة

مقاديرعمل  الشيش طاووق

  1. التتبيلة السابقة
  2. نصف كيلو صدور دجاج مقطع مكعبات
  3. 2 حبة طماطم مقطعة مكعبات منزوعة القلب
  4. 6 حبات فلفل الوان ( اصفر-احمر-اخضر) مقطع مكعبات 
  5. 2 بصلة مقشرة ومقطعة مكعبات
  6. 3 ملاعق زيت للقلى

طريقة عمل الشيش طاووق


لعمل الشيش طاووق اتبعى الخطوات التالية
  1. فى بولة عميقة ضعى كل مكونات التتبيلة (الزبادى والفلفل الاسودوالبابريكا وبهارات الفراخ والزنجبيل والملح والخل والصلصة والزيت والليمون) وقلبيهم جيدا
  2. ضعى قطع الدجاج فى التتبيلة وقلبيها جيدا
  3. غطى البولة واتركيها فى الثلاجة لمدة 4 ساعات ويفضل ليلة كاملة ان امكن حتى تشرب من التتبيلة وتكتسب النكهه المميزة
  4. حضرى قطع الفلفل والبصل والطماطم وفى عيدان الشيش طاووق ضعى قطعة من البصل ثم قطعة من الفلفل الاحمر ثم الاصفر ثم الخضر ثم الطماطم ثم قطعة فراخ او بالترتيب الذى تفضليه وهكذا الى ان ينتهى المقدار
  5. فى صينية تيفال ضعى قليل من الزيت على النار واتركيه ليسخن ثم رصى عيدان الشيش طاووق تاخذ صدمه ثم قلبيه على الوجه الاخر
  6. هدئى النار واستمرى فى التقليب الى ان تتاكدى من النضج وتحصلى على اللون المناسب
  7. يمكن تقديم الشيش طاووق مع الارز الاصفر وسلطة الطحينة

ملحوظة لنجاح وصفة الشيش طاووق

  1. اتركى  قطع الدجاج فى التتبيلة لمدة ليلة كاملة حتى تحصلى على نتيجة ممتازة
  2. انقعى عيدان الشيش طاووق الخشبية  فى الماء المغلى لمدة 10 دقائق حتى لا تنكسر اثناء اعداد الوصفة
  3. فى البداية ارفعى النار عشان الفراخ تاخذ صدمه بعد كدة هدى النار عشان تستوى من الداخل جيدا



author-img
فريدة يحيي

تعليقات

ليست هناك تعليقات
إرسال تعليق

    CONTACT FORM

    اضغط لايك لصفحتنا علي الفيسبوك

    google-playkhamsatmostaqltradent www.google-analytics.com google-analytics.com google-site-verification: google8a50f4bdad1c3a7d.html