طريقه عمل كيكه الروانى الهشة : وصفة حلويات سهلة وسريعة
كيكه الروانى او كيكه السميد ااو كيكه البسبوسه هى الذ انواع الكيك اللى ممكن تعمليها طريقتها بسيطة والطعم فوق الخيال
النهاردة هنقدم طريفه عمل كيكه الروانى من مطبخ الشيف فاطمه ابو حاتى لو جربتيها مش هتبطلى تعمليها
 |
| حلوي سريعه :طريقة عمل كيكة الرواني الهشة فاطمة ابو حاتي |
مقادير عمل كيكه الروامى
- كوب من سميد البسبوسه
- كوب من الدقيق ( الطحين)
- كوب من جوز الهند
- كوب الا ربع من الزيت
- كوب الا ربع من الزبادى
- نصف كوب من السكر
- 4 حبات من البيض بدرجة حرارة الغرفة
- ملعقة كبيرة من مسحوق البكنج بودر
- ملعقة صغيرة من الفانيليا
- ملعقة من الخل
- ذرة ملح
للشربات
- 2 كوب من السكر
- كوب ونصف من الماء
- عصرة نصف ليمونه
طريقه عمل كيكه الروانى: حلويات سهله وسريعه
- فى البدايه حضرى الشربات ضيفى 2 كوب سكر + كوب ونصف ماء وقلبيهم كويس وارفعيهم على النار واول ما يغلو بالضبط 4 دقائق واعصرى عليهم نصف ليمونه وبعد كده يغلو غلوه واحده ونزليه واتركيه يبرد
- فى بوله ضعى البيض + والفانيليا + ملعقة الخل + ذرة ملح وضربيهم لمدة دقيقتين بعد كده ضيفى السكر واستمرى فى الخفق
- اثناء الخفق ضيفى الزيت على فترات مع الاستمرار فى الخفق وبعد كده ضيفى الزبادى واستمرى فى الخفق
- ضيفى نصف كميه ( الدقيق والسميد وجوز الهند) والبيكنج بودر وقلبى بحرص بمعلقه خشبيه او بالمضرب على اقل سرعة
- ضيفى النصف الباقى واستمرى فى التقليب الى ان تتجانس المكونات مع بعضها
- ضعى المقدار فى صينيه مقاس 26 مبطنه بالسمن والدقيق
- ادخلى الصينيه فرن مسبق التسخين على درجه حراره 170 لمده من 30 الى 40 دقيقه
- اختبرى النضج بخله خشبيه
- فور خروجها اسقيها بالشربات البارد واقلبيها فى طبق التقديم وزينيها بجوز الهند او المكسرات حسب الرغبه
فيديو طريقه عمل كيكه الروانى للشيف فاطمه ابو حاتى
موضوعات ذات صله