recent
أخبار ساخنة

طريقة عمل المكرونة بالصوص الأبيض - وصفة شيف



طريقة عمل المكرونة بالصوص الأبيض

المكرونة من الأكلات الشهية التى يفضلها الكبار والصغار والتى يمكن تناولها بالصلصة البيضاء او الحمراء

النهاردة هنتعرف علي طريقة عمل المكرونة بالصوص الأبيض او مكرونة بالوايت صوص كما يسميها البعض ودى طريقة جديدة وسهلة لعمل المكرونة لاى ست بتحب التجديد فى سفرتها وكمان دي من وصفات المكرونة سهلة التحضير وهناك اكثر من طريقة ل عمل المكرونة بالصوص الأبيض مثلا يمكن ان نستخدم معها الدجاج والمشروم وما الى ذلك من الاضافات ولكن كل الطرق تشترك فى وضع مكرونة ومعها الصوص الابيض أو أو ما يعرف بالوايت صوص
وصفة اليوم من الوجبات ال بسيطة التى تتميز بطعم مميز و طريقة اعدادها سهلة جدا فقط التزمى ب المقادير وسوف تحصلين على الذ طبق مكرونة بخطوات اسهل مما تتخيلين 




طريقة عمل المكرونة بالصوص الأبيض
طريقة عمل المكرونة بالصوص الأبيض



طريقة عمل مكرونة بالصوص الأبيض

مكونات عمل مكرونة بالصوص الأبيض


  • نصف كجم مكرونة أي نوع ولكن يفضل مكرونه اسباجتي او فرن  (مسلوقة 90 % )
  • 5 فصوص ثوم مفرم ناعم
  • جزرة صغيرة مبشورة ناعم
  • 1 فلفل احمر مقطع صغير
  • 1 فلفل اخضر مقطع صغير

مقادير عمل الصوص الابيض

  • زيت وزبدة أو زيت وسمنة حسب الرغبة
  • 4 ملعقة كبيرة دقيق
  • 6 كوب سائل ( حليب + شوربة )
  • ملح - فلفل اسمر - شطة ( اختيارى ) - رشة جوزة الطيب
  • قشطة او وش اللبن الحليب
  • يمكن اضافة اى نوع من انواع الجبنة 

طريقة تحضير مكرونة بالصوص الأبيض الوايت صوص

  1. في البداية قومي بوضع حلة علي النار فيها ماء لتغلي وضعي بها ملعقة صغيرة ملح واسلقي المكرونة
  2. في طاسة اخري علي النار يضاف الزيت والثوم المفروم وشوحيه تشويحه بسيطة بعد كده ضعي الخضار الفلفل الاحمر والاصفر والجزر وقلبيهم لحد مايذبلوا شويه  وتبليهم بالملح والفلفل الاسود
  3. صفيهم من المادة الدهنيه وضعيهم جانبا
  4. في نفس الزيت زودي شوية زبدة علي سمنة او زبدة  عادي مش بتفرق وضعي الدقيق وقلبى الى ان ياخذ الدقيق اللون الاصفر الفاتح
  5. ضيفى خليط اللبن والشوربة واستمرى فى التقليب بالمضرب اليدوى الى ان تحصلى على القوام المناسب
  6. تبلى الخليط بعد الغليان بالفلفل الاسمر وجوزة الطيب و قليل من الشطة اختيارى والملح وبكدة تكونى حضرتى صوص المكرونة الابيض
  7. ضيفى الخضار الفلفل والجزر اللى سبق وشوحتيه على الخليط واستمرى فى التقليب السريع
  8. يمكن اضافة قليل من القشطة (اختارى ) لزيادة الطعم
  9. ضيفى المكرونة المسلوقة الى الصوص الابيض او البشاميل وامزجى جميع المكونات وقدميها ساخنة

طريقة عمل مكرونة بالصوص الابيض وقطع الدجاج 

يمكنك اعداد طبق من المكرونة بالوايت صوص وقطع الدجاج مثل المطاعم تماما تفرحى بها عائلتك وأطفالك

مقادير عمل مكرونة بالصوص الابيض وقطع الدجاج

  • 600 جرام مكرونة
  • ملح - فلفل اسود - بهارات
  • فلفل الوان حسب الرغبة
  • بصلة متوسطة مفرومة ناعم
  • 3 فص ثوم مبشور

مقادير عمل صوص المكرونة الأبيض 

  • 4 ملاعق كبيرة دقيق 
  • من 4 الى 5 كوب حليب
  • 3 ملعقة زيت و مكعب زبدة 
  • ملح - فلفل اسود - جوزة الطيب - شطة (اختيارى)
  • مكعب مرقة دجاج

طريقة عمل مكرونة بالصوص الأبيض والدجاج

  1. تبلى قطع الفراخ بالملح والفلفل الاسود وبهارات الفراخ واتركيها جانبا
  2. قومي بوضع حلة على النار ضعى الماء وبعد ان يغلى ضعى ملعقة صغيرة  من الملح وقليل من الزيت وقومى بسلق المكرونة 90 % سلق
  3. في طاسة على النار قومى بوضع الزيت والزبدة واتركيها تسخن بعد ذلك ضعى البصل المبشور وقلبى الى ان ياخذ اللون الاصفر وبعد كده ضيفى نصف ملعقة صغيرة ثوم مفروم وكمان الفلفل الالوان المقطع وقلبى المقدار قليلا
  4. بعد كدة قومي باخراج الفلفل والبصل وفى نفس الطاسة زودى شوية زيت وشوحى فيهم قطع الفراخ واستمرى فى التقليب لحد ما تتاكدى انها استوت تماما
  5. قومى باخراج الفراخ وفى نفس الطاسة قومى بوضع مكعب من الزبدة وعليها ملعقتين من الزيت واتركيهم يسخنوا قليلا بعد كده انزلى ب 4 ملاعق من الدقيق وشوحيهم لحد ما يصفر لونهم ثم ضيفى 4 كوب من الحليب ( ملعقة دقيق لكل كوب من الحليب ) واستمرى فى التقليب بسرعة الى ان تحصلى على قوام البشاميل او الصوص المناسب وتبليه بالملح والفلفل الاسود وقليل من الشطة ورشه بسيطة من جوزة الطيب واتركيه يغلى
  6. ضيفى البصل والفلفل الالوان والمكرونة وقلبى الى ان تمتزج جميع المكونات
  7. يمكن اضافة قطع الدجاج مع الخليط أو توزيعها على الطبق اثناء التقديم

ارجو ان تكون وصفة اليوم قد نالت اعجابكم نحن فى موقع وصفة شيف نسعى ان نقدم لكم اسهل الوصفات بامكانيات فى تناول الجميع


كلمات دلالية

طريقة عمل المكرونة بالصوص الابيض,طريقة عمل المكرونة,عمل المكرونة بالوايت صوص,وصفات مكرونة,مكرونه بالصوص ,طريقة عمل الصوص,طريقة عمل المكرونة بالوايت ,طريقة مكرونة,وصفة لعمل مكرونة بالصوص الأبيض,عمل مكرونة بالصوص الابيض والفراخ











author-img
فريدة يحيي

تعليقات

ليست هناك تعليقات
إرسال تعليق

    CONTACT FORM

    اضغط لايك لصفحتنا علي الفيسبوك

    google-playkhamsatmostaqltradent www.google-analytics.com google-analytics.com google-site-verification: google8a50f4bdad1c3a7d.html