ازاي تقدري تتخلصي من ريحة الارز المكمكم نتيجة سوء التخزين ويطلع معاكي زي الفل
طبعا عدد كبير منا ممكن يعاني من نفس المشكلة وهي ريحة الارز المكمكم وده بيكون نتيجة سوء التخزين ومش ان صلاحيته انتهت مثلا ولكن اتخزن بطريقة خطا .
النهاردة في موقع وصفة شيف هقدملكم طريقة سهلة وبسيطة للتخلص من ريحة الارز المكمكم والنتيجة مضمونه ومش هتلاحظي ابدا اي ريحة اثناء الاكل .
طريقة التغلب علي ريحة الارز المكمكم
في البداية افردي الارز في مكان يدخله الشمس وجيد التهوية لمدة يوم علي الاقل .
اثناء الطهي ضيفي بصلة متوسطة وفصين حبهان وورقة لورا للشوربة المستخدمة في طهي الارز .
يمكنك ايضا اضافة الحبهان وورق اللورا والبصلة اثناء تحمير الارز ( لو انتي بتشوحيه الاول) وبعد مايستوي اتخلصي منهم
وبكدة هتاكلي احلي طبق رز من غير اي مشاكل وبالهنا والشفا
فيديو طريقة التخلص من ريحة الارز المكمكم